ரபிய்யுல் அவ்வல் மாதத்தை முன்னிட்டு மகாராஜபுரம், தம்பிபட்டி மற்றும் கிருஷ்ணாபுரம் ஆகிய மூன்று ஊர்களிலும் உள்ள ஒவ்வொரு தெருவிலும் ஒவ்வொரு நாளும் தெரு பயான் நடைபெற்று வருகின்றது. நபிகள் நாயகம் (ஸல்) அவர்களின் வாழ்க்கையை மக்களுக்கு எடுத்துச் சொல்லும் பொருட்டு, இந்த நிகழ்வை லஜ்னத்துல் இஹ்ஸான் உலமா சபை உலமாக்கள் முன்னின்று நடத்தி வருகிறார்கள். இதில் O.M.அமானுல்லாஹ் ஹஜ்ரத், கே. ரஹ்மத்துல்லாஹ் மஹ்ளரி, மகாராஜபுரம் பள்ளிவாசல் இமாம் மௌலவி ஷாகுல் ஹமீது ஹஜ்ரத், வலியுல்லாஹ் ஹஜ்ரத், தம்பிபட்டி பள்ளிவாசல் இமாம் மௌலவி ஸுஜா ஹஜ்ரத், ஜமீல் பைஜி ஹஜ்ரத் ஆகியோர் கலந்துகொண்டு மக்களுக்கு பயான் செய்து வருகிறார்கள். பணத்தோட்டம், ஆஸாத் நகர், முஸ்லிம் தெரு, தம்பிபட்டி, கிருஷ்ணாபுரம் என ஒவ்வொரு நாளும் ஒவ்வொரு தெருவில் பயான் நடைபெற்று வருகின்றது. மக்கள் திரளாகக் கலந்துகொண்டு பயனடைந்து வருகின்றனர்.
